يوم بلغني آخوي خبر وفاه عمي ماصدقت
أنصدمت خبر وفاته كان مفاجىء
بكيت وبكيت وبكيت لين ماقلت بس 
رحت آشوفه في بيته قبل يودونه المغسله ماقدرت أكشف
صرت أناظره من بعيد بس ولده الصغير عمره ثمان سنوات كل شوي يكشف
الغطاء ويبوس رأس أبوه
ويسأل ماما وش يعني بابا مات شهقت من البكاء يوم سمعته قال هالكلام
وضميته وانا ماقدرت ابوس جبينه ولاقربت منه كثير
رجعت البيت وبس أفكر في ولده وش هو مصيره بعد م مات أبوة
ولده الوحيد آصبح يتيم الأب 
مايعرف وش يعني أبوة مات
كل ماشفت عمي وهم مغطينه يتهيأ لي انه يتنفس والله وبغيت اقولهم م مات
شوفوه يتنفس
عمي رحيلك كان مفاجىء مازلت آبكي
عمي مازلت أتذكر طفولتي معك وكيف كانت رغم بساطتها إلا أنها كانت جميله
جدا
أتذكر كلامك ومزحك معنا . أتذكر برك بوالديك
عمي لم يهنأ لي النوم بعد موتك .. لست بخير بعد رحيلك
مازال صدى كلماتك حينما هاتفتنا قبل فتره ليست بالطويله
متى جايين عندي تعالو نتعشى سوا
دنيا عجيبه أشغلتنا عنك ولم نعلم ان الموت آسرع منا 
يآآرب أجعل عمي ممن يبشرون بروح وريحان ورب راض غير غضبان
ليست هناك تعليقات:
إرسال تعليق